In der Danzschuel vom Fex

Underem Motto: IN DER HAUBTBOSCHT GOOT D BOSCHT AB! isch der Fex jetzt draa, sy Lääbe, ooder wenigschtens e Dail dervoo vom Glooschter in d Haubtboscht z verleege. Me schtell sich das voor: e Glooschter-Brueder wird Beschtler! Mitsamt der Frau- und Mannschaft! Wäär denn in d Haubtboscht yynekunnt und am änd vom Kurs uuselauft isch fir immer gschtämpflet als: THE ONE! Das haiss nit, dass äär (oder sii) jetz in aim Affezaan kha Briefmarggen abschtämpfle, aber äär (oder sii) kha jetze danze, im Thaggt, mit Grazien und Eleganz. äär (oder sii) isch jetze THE ONE wo sich iiberall uff em Parkett kah zaige.

In der jetzige Danzschuel vom Fex an der Haubtboscht (ehemaalige Glooschterbäärg), dräffe sich kaini Abwäschlimpe, kaini Heeseler, kaini Huusmimpfel wo ibereggs luege, kaini Kummerfiirz mit langwyylige Gumpischtepfelgsichter, kaini Schurnaalgsichter, kaini Stuubepflutte, au kaini Lyt mit Zwanzigabachtimyyler und kai Suurimuggel mit dumme Falle. Doo findsch uff der Physchte Ainzelmasgge, badänti Thype, luschtigi Boone, Syydehääsli, Gspuusi won en Oodere hän fir e Danzede und e Schwooff. Si walzere, si anngaschiere, si hän e guets Binää, si mache kaini Dänz, derfir gärn buselibuus, wenn e Syydemaitli und e Zuggerli kunnt.

Vo alle Syte kemme si zum Fex, er isch in sym Fach e Kanoone, und zu syne Danzleererinne und Danzleerer, nit nur mit em Auto, aber au mit der Glepfdrotschge, mit der Hämoroyydeschauggle, sogar mit em aigene Schooffeer. Der Fex, der Ooberjeehu vo der Danzschuel, isch kai Aarmelyteblooger, akurat leert er alli danze, bis si d Schyychi ableege. In der erschte Stund ischs ene angstebang, denn pflyymle si der Walzer aane ooni Häärzboppere und kemme Gnall e Fall uff e Guu und wänn mee leere. Die andere Leerer sin kaini Wyyshaitsbiggsene, aber frindligi Lyt, wo au fir der flachfiessigi Schoorsch Gaggoo Giduld hätte. Es loont sich also, s Finggekyynoo und d Guuferekischte z verloo und do aane z faare.

Im Baardeer hängsch s Aarschdeggeli an Hoogge, au d Belleryyne, d Ganggoodäsche und s Gaschnee. Mach kai Fääderlääsis und loss d Moläschte, dyni ganz dolli Biggse und die boodeschyyche Hose dehai, au d Veegeligrawatte und der Fuurzdailer und au der Goggs. Muesch nit im Vollwiggs koo. Hesch Wääglidramper? Bisch nit grad bim Gwaffeer gsi? S macht nyt. Die andere sin au nit uffgmacht wie Ooschteroggse. Doo derfsch du allibott danze.

Bim Danze heersch kaini Deen vo Mansaardeglavier, Grellhaldesaxofoon, Muuloorgele oder Zielämpe, aber fäägigi Muusig. Au wenn du zerscht nur sovyyl verschtoosch wien e Kue von ere Muschgednuss, vergiss nit, dass der Fex und anderi hilfryychi Lyt grad kemme, wenn du dyni Schritt verbaschigunggele duesch. In der erschte Danzstund hesch der Waadespanner und der Drimmel, es wird dir schwämpämperlig, hesch nach ere Stund langi Zeen, aber du bisch kai Stuubepflutte: Du hoolsch dir e Geerpsliwasser und wyter goots! Bis den uuf de Gnei bisch und e mylioonischi Boschtuur wien e Wältmaischter hesch!

Hesch mi nit verschtande? I haa s au nit aifach us em Schyyleedäschli gnoo und ha miesse nooluege, im baaseldytsche Weerterbiechli vom Ruedi Suter nämmlig. Das machsch duu jetz au! Denn goosch zum Fex go schwooffe! In d Haubtboscht! Das isch gsinder als in ere Schwachstroomhalle e Seeledreeschter z bstelle. Gäll aber?

Uusdrigg uff Baseldytsch

abfaarewegwerfen
abnääfotografieren
AbwäschlumpeFeigling
Aagääangeben
Aierschaalen am Fiidle havöllig unreif sein
AinzelmasggeAlleingänger
akuratpeinlich genau
allibottimmer wieder
aanepflyymlelocker bewerkstelligen
angstebangangst und bang
anngaschiereangagieren
Aarmelytebloogerhartherziger Mensch
Aarschdeggelizu kurzer Veston
badänte Thypkameradschaftlich, kooperativ
Bampeluureschlechter, dünner Kaffee
bappedipfigzimperlich, ängstlich
baardeerErdgeschoss
BelleryynePelerine
BinääBenehmen
buselibuus macheschmeicheln
luschtigi Boonelustige Frau
diggi BoschtZumutung
BoschtuurGestalt, Postur
brezyysgenau
e dolli Biggseein prächtiger Anzug
boodeschyychi Hosezu kurze Hosen
BotschamberNachtgeschirr
der Buschbi spigge/den Bauch füllen
Dänz macheSchwierigkeiten, Umstände machen
DanzedeTanzanlass
Diigelflaischluftgetrocknetes Fleisch
DrimmelSchwindelanfall
der Eermel yynegnoosich verlieben, in eine Sache einlassen
kai Fääderlääsis machekurzen Prozess machen
e dummi Falleein mürrisches Gesicht
FexFelix
flachfiessigplattfüssig
FinggekyynooFernsehen
FuurzdailerFrack
dur der Gaggoo zieschikanieren
GanggoodäscheEinkaufstasche
GaschneeHalstuch
GaatoodemyylängliMailänderli
GaawaljeeKavalier
GiggeligottsaggerBauch
kai Glaich haaungelenk, steif sein
GlepfdrotschgeMotorrad
glettyyselekleine Schritte, auf dem Boden rutschend
GlitterliwasserMineralwasser
GlooschterbäärgKlosterberg
Gnall e Fallganz plötzlich
uuf de Gnei syykörperlich oder seelisch erschöpft sein
GoggsHerrenhut, Melone
GeerpsliwasserMineralwasser
GrabindeGraubünden
GrellhaldesaxofoonAlphorn
GreemRahm
GspuusiFreundin, Geliebte, Ehefrau
Gumpischtepfelgsichtsaures Gesicht
Gstaablisteifer, ungelenker Mensch
GuuGeschmack
GuuferekischteKleingebäckdose
Guugelfuerlärmender Spass
GuraaschiMut
GwaffeerCoiffeur
GweelereiQuälerei
GweeriQuere
HalelujavergaaserHarmonium
HämoroyydeschauggleFahrrad
HäärzboppereHerzklopfen
HeecherauchEinbildung
HeeselerAngsthase
HoochschyynAhnung
HuusmumpfelStubenhocker
iibelheerigschwerhörig
ibereggs luegeschief gucken
yydrächtereeintrichtern
yyiebeeinüben
yynekääsehineindrängen
Kanoonetüchtiger Fachmann
Kue, sovyyl verschtoo wien e Kue von ere Muschgednussgar nichts verstehen
KummerfuurzGriesgram, Langweiler
laamereuntätig herumsitzen
LeererstallLehrerzimmer
LixiFelix
MaagefaarblaanSpeisekarte
MansaardeglavierHandharmonika
Meerggige, Dää isch au nit vo Meerggigeder merkt auch gar nichts
mylioonischausserordentlich
MoläschteGebrechen
Im Alter sind no anderi Moläschte derzue kooes sind noch andere G. dazu gekommen
moorggseverkrampft arbeiten
MuuloorgeleMundharmonika
mutzeherausputzen
nullhändigfreihändig
nullhändig weeloofaarefreihändig velofahren
Ooberjeehuoberster Chef
en Oodere haaeine Ader, Begabung haben
Ooschteroggs, uffgmacht wien eallzu aufdringlich geschmückt
PhyschteTanzfläche
SchanzgnocheStreber
SchyychiSchüchternheit
SchyyleedäschliWestentasche
I kaa s nit aifach us em Schyyleedäschli nääich habe es nicht einfach so zur Hand
schlyffyyseleschlittschuhlaufen
SchnuurewaagnerZahnarzt, Schwätzer
SchooffeerChauffeur
Schoorsch GaggooBenachteiligter, Sündenbock
SchurnaalgsichtAllerweltsgesicht
Schwachstroomhallealkoholfreies Restaurant
schwämpämperligschwindlig
schwinge, e Maitlimit einem Mädchen tanzen
SchwooffTanz
schwooffetanzen
SeeledreeschterSchnaps
SyydehaasKosewort
SyygaretteZigarette
Soggefliggerschlechter Wein
spoortleSport treiben
stoffleschwerfällig gehen
Stuubepflutteverweichlichter Mensch
SuurimuggelGriesgram
verbaschigunggeledurcheinanderbringen
VeegeligrawatteKrawatte in Schmetterlingsform, Fliege
im Vollwiggs koofestlich herausgeputzt daherkommen
WaadespannerWadenkrampf
Wääglidrampergrosser Schuh
walzereWalzer tanzen
Wyyshaitsbiggseüberkluger, eingebildeter Mensch
Wuurzelkasyynoovegetarisches Restaurant
Zaan, Zeen, langi Z.haaHunger haben
ZielämpeHandharmonika
Zuggerlisüsses Mädchen
Zwanzigabachtimuulmürrische Miene

 

Eeveli Scheerer
15.11.03

 

Animation fall back